ni VIC Odarve
Boy Scout of the Philippines 1963
Sa una eskwela sa primarya
Dili gyod ka makaila
Kay moadto sa eskwela
Nag tiniil ug way porma.
Inyo gyong kataw-an ug yam-iran
Gisi pa ang sinina ug short pan
Di maulaw sa maestra ug iyang kauban
Kay pobre gyod ang ginikanan.
Kilometro kalayo ang eskwelahan
Baktason pa sa way paglanganlangan
Magbalon pa ug sud -an di na hinganlan
Kay ang pangalan di gyod hikalimtan.
Lubok ug humay
Pag-uli gikan sa eskwelahan
Pas-an ug sag-ob tubig sa unahan
Lusong ug awho gunitan usahay
Kada adlaw gyod way pahuway.
Pero perti na gyod lipaya
Kon kami makaeskwela
Kay kon dili permi ra mag-uma
Hangtod matigulang labing lisora.
 |
| Primary School Room |
Wala nay tuon-tuon sa mga leksyon
Kay sa balay daghan ug trabahuon
Wa pa gyoy maayong pagkaon
Saging ra ug ubang lagotmon.
Karon niabot na ang panahon
Tigulang nag gyod ko intawon
Kung sa primarya akong handomon
Katawa na lang ko ug mapasalamaton.
No comments:
Post a Comment