ANG ASAWANG MATINUMANON

     Ni Vic Odarve

 

Sa bag-0 pa ang kaminyoon

 

 

 

 

 Sa unang mga tuig sa kaminyoon

Ginaludhan sama sa bitoon

Mapahiyomon ug mahigugmaon

Apan usa diay ka matinumanon.

 

Sa dihang may mga anak na atimanon

Mosinghag naman kon pangutan-on

Magtuman gyod sa iyang kaugalingon

Bisan sultihan mobagotbot lang hinoon.

Ang baba daw submachinegun

 

 

 

 

 

 

 

 

 

Bisan unsaon sab sa bana ug estorya

Di gyod naminaw kay korek gyod kuno sya

Kung masuko ang iyang baba di mapugngan

Nahisama gyod sa bala sa submachinegun.

 

Kinaiya nga di gyod pasulti bisan unsaon

Daw sa pamilya siya ang hari pagasundon

Wala gyod hunahunaa sa kaugmaon

Ang bana mopaubos na lang intawon.

 

Biyaan na lang gyod, di maantos

 

 

 

 

 

 

 

 

Gusto ang tanang kwarta iyang kontrolon

Magkatol ang kamot kon di nya gastohon

Nagpahimulos sa iyang banang mapailubon

Nga naglikay na lang sa away sa kaminyoon.

 

Daghan pa ani gyod ang mga hinungdan

Hilabi na kon sex ug uban ang hisgotan

Igo ra gyod ang bana iyang yam-iran

Kay sa kwarta ra ang iyang gikinahanglan.

 

Sa di gayod na maantos ang kalisdanan

Nakahukom ang bana iya na gyod talikdan

Kay sa walay gugma ug walay kaugmaon

Uban sa usa ka asawang matinumanon.