Ni Vic Odarve
 |
| Bag-o pa ang kaminyoon-malipayon |
Sa unang mga tuig sa among kaminyoon
Ang kalipay moabot ngadto sa langit ug bitoon
Talidhay sa katawa ug mga paghigugma
Nitabon sa kalibotan namong mag-asawa.
 |
| Manglatos na sa mga bata |
Sa dihang mga bata niabot na ug tulo
Daw kalbaryo na ang gipuy-an namo
Migawas na ang iyang pagkaparahubog
Sa balay magsusapinday ug mangisog.
 |
| Asawa desperado-sugod na problema |
Di na pasulti ug permi init ang ulo
Kay asawa sayop ug siya ra ang husto
Kay gusto na niya iya tanan matuman
Daw sa pamilya siya ang haring hilabihan.
Mag-usab na unta sya akong gihangyo
Sa daling panahon ako nangamoyo
Aron ang panagbikil dili angay modako
Di maminaw kay sya gyod ang sakto.
 |
| Asawa mibiya sa bana-mibiya na |
Sa dihang sugod na kong gilimbongan
Kay may babae diay nga gikabuangan
Nga unta gihatag sa asawa ang tanan
Lawas ug kalag iyang napahimuslan.
Diha na nako na giisip nga talikdan
Kay di na maantos ang kruz gipas-an
Nahimong kalbaryo kong pinuy-anan
Mao na akong bana ug akong kalibutan.
No comments:
Post a Comment