ni Vic Odarve
 |
| Malipayong Kaminyoon |
Dunay malipayong kaminyoon mihangtod sa kamatayon
Apan dunay milungtad usab pero kalbaryo pagaantoson
Ang uban nagbulag na lang kay sakit na gyod sa dughan
Daw ang kaminyoon nahisulat gyod sa atong kapalaran.
Kinsa nang malipayon sa kaminyoon dala ang kadaugan
Nga gitrumpeta uban sa mga bitoon sa kawanangan
Gisangyaw ang walay katapusang himaya ug kalipay
Ang kamatayon ra makabulag ug mao ra ang utlanan.
 |
| Kalbaryo sa Kaminyoon |
Apan ang uban nag-antos sa mapait nga kalbaryo
Ang panag-ipon nahisama sa nagsigang imperno
Kangitngit man sa kinabuhi daw walay nay katapusan
Sa asawa ug bana walay pulos ang ilang panag-uban.
Duna sab nagbulag tungod gyod sa ngil-ad nga batasan
Dili na maagwanta ug di na gayod pwedeng matambalan
Kay diay sa hilom gitagoan sa bag-o pa nilang panag-uban
Karon di na maantos gawas kon sa hingpit imo biyaan.
 |
| Panagbulag ang gidangatan |
O kaminyoon ikaw ang mas labawng gamhanan
Kay nakig-uban nimo ang tagsatagsa nga kapalaran
Ug ginasulat naman sa mga propeta ug patriarka
Ang nagkadaiyang kahimtang sa mga bana ug asawa.
sinulat sa mga propeta ug patriarka
Kalipay man o kasakit o panagbulag man ang mahiaguman
Andam dawaton kay gihatag ug gililok man sa kahitas-an
Kaha badlis man kini sa atong paglawig sa kalibutan
Swerte man o dili, ang kaminyoon apil sa atong kapalaran.
No comments:
Post a Comment