ni Vic Odarve
 |
Pabadlong bisan gagmay pa
|
Sa gagmay pa ang tulo ko nga mga bata
Permi badlongon kon sila manggidula
Manggiaway pod sa mga gamit sa usag-usa
Hangtod nga modako imo baba sa pangasaba.
Dili gyod kalikayan modako gyod imo tingog
Kay nagkalat ang mga libro diha sa salog
Mga sinena ug sapatos bisan asa lang ibutang
Gahi gyod bisan pirme pahinumdoman.
 |
Pag-abot sa balay kalat ang mga butang
|
Basta sa tulo ko nga bata nga badlongon
Makaniwang ug makalabad sa ulo intawon
Sa eskol ug sa balay tanang bulohaton
Imo gyod atubangon kon ila bang sundon.
Karon dagko na sila ug may kakayahan
Mobiya na kay sugo sa atong kinaiyahan
Mangita na og tagsatagsang kaugalingon
Sa pagasundon nga salag sa kaminyoon.
 |
| Hapit na misawop ang adlaw sa kinabuhi |
|
Karon duha na lang mi nahabilin sa balay
Limpyo na ug wa na banha ug tuod hapsay
Wa na sab labhonon ug kalat nga atimanon
Hapsay na nag yod kon imo tan awon.
Apan karon mikuyanap na ang kamingaw
Sama sa deserto nga way nagtikawtikaw
Hingpit nawad-an sa mga awit ug katawa
Ang nahabilin si papa na lang ug si mama.
Sa pag-inusara mamisita sa akong alimpatakan
Kon makita ko ang dapit nilang gigukodgukoran
Gikalatan sa sinina ug libro gikan eskwelahan
Nga nagbilin sa ako og dakong handomanan.
Pero ania ko nag-inusara sa balay purtahan
Nagsud-ong sa mga
katre kanhi ilang gikatulgan
Mitulo ako luha nang ako silang nadumduman
Ang akong pakig-uban nila di ko gyod hikalimtan.
Mao na gyod ni ang atong pagadangatan
Samtang naglawig sa misteryong kalibutan
Atong mga bata mangita gyod kasamtangan
Musugot ka ug dili mga ginikanan pagabiyaan.
 |
Kusog manglatos ug anak
|
Karon kon makakita ko ug anak gipasagdan
O kon maghilak ug magpabadlong ilang pasakitan
Angay gyoy atong hinumduman nga kita motaliwan
Bisan anus-a ang atong gibuhat nila dili hikalimtan.
Thanks for watching.
