Kini Ang Akong Kinabuhi Ug Kalibotan

      Ni Vic Odarve

 

Namat-an ko ang halapad nga kaumahan

Sa kabasakan, kalasangan, ug kadaruhan

Apan hinayhinay ug adto sa eskwelahan

Natapos ra gyod ang edukasyon sa kadugayan.

 Sama sa uban kompaniya akong natrabahoan

Ug nagtudlo sa nakadaiyang mga eskwelahan

Walo ka kolehiyo ug unibersidad ang nasudlan

Kini ang akong pangandoy ug ang katumanan.

 

 

 

or see youtube.com/channel/UC5kFbYndPWG5-PrjCZF4SRA

 

Diha ko nakita ang halapad kong kalibotan

Ug nahisama sa mga halangdon sa katilingban

Kay natabangan mo ang mga pobre mong ginikanan

Apil pa ang nagkalisod mong higala ug kaigsoonan.

 

Bulawanon pa gyod ang mga estudyanteng natudluan

Kay nasabtan mo unsa ang kalisod sa ilang ginikanan

Sa eskwelahan ikaw gyod isip puli sa ilang amahan

Nga magtultol sa kanila sa saktong dalan nga agian.

 

Naghimo ko ug mga libro para sa pagka inhenyero

Makita nila ang akong pag-eskwela ug pagkatawo

Para masabtan ug dili mahikalimtan ang akong gigikanan

Nga kini ang akong kinabuhi ug kini ang akong kalibotan.