HINUMDUMI ANG ATONG GINIKANAN

Hinumdumi Ang Atong Ginikanan

         Ni Vic Odarve

Rice Harvesting - Mayana Village

 

 

 

 

 

 

 

 

Sila angay natong hinumduman

Kay kita sa kanila nagagikan

Sa paglawig sa imong kalibutan

Sila kanato kanunay nakig-uban.

 

Sa gamay pa ka ikaw perming ginasapnay

Bisan paak sa mga lamok ikaw ginalikay

Daw prinsipe o prinsisa sa ilang panan-aw

Kay ang gugma gyod nila mopatigbabaw.

 

Giagak ka nila sa dalan sa katarungan

Ug sa edukasyon ila kang gisubaybayan

Para makab-ot ang imong kaginhawaan

Ug matagamtaman ang maayong kapalaran.

 

Karon tigulang na sila o uban mipanaw na

Hinumdumi ang tanan kon giunsa ka nila

Sa gamay pa ka ug karon milambo ka na

Panahon na tagaan sila ug importansya.

 

Kon makita nila ang imong presensya

Sila malipay kay nakahinumdom ka pa

Basin ugmaon pa dili na sila makit-an

Kay moadto na sila sa laing kalibutan.

 

 THANKS FOR WATCHING.