By Vic Odarve
Nakalitan mi sa imong pagbiya dinhi sa kalibotan
Daw nahugmo ang among usa-usa nga pinuy-anan
Mitulo among luha sa nakita namong ikaw mibiya
Sakit gyod kaayo kay batan-on pa kang mihawa.
Gitan aw ka sa mga kaigsoonan nga masulob-on
Gitakluban ang among mga dughan sa kahinugon
Kay ang imong panag-uban sa mga kaparentihan
Nagpabilin dakong handumnan nga way kataposan.
Mikuyanap pa hangtod karon ang among kamingaw
Ug ang kasakit sa among dughan dili gyod mahanaw
Kay nilambo na naman gyod ang atong pakig-uban
Sa mga kaigsoonan ug kaparentihan dire sa kalibotan.
Wala nag yod tang mahimo sa atong kinabuhi
Kon kuhaon na sa tag-iya ug dli ta makadumili
Ang tanan dinhi sa kalibotan duna may kataposan
Kay ang atong kinabuhi usa man lang ka hinulaman.
Kay gililok man ta sa abog ug espirito gikan sa langit
Mopauli ta sa atong Amahan nga wala nay kasakit
Wala gyoy makatagna kon unsang oras ta motaliwan
Nga kita pagakuhaon Niya ngadto sa laing kalibotan.
No comments:
Post a Comment