Nganong Ako Siyang Gibiyaan

Nganong Ako Siyang Gibiyaan

                  ni Vic Odarve

 

 

 

 

 

 

 

 

Kay kusog kaayo siya mosugal

Mangulata pod  daw way pagmahal

Unya bakakon ang sinultihan

Mao gyod ang mga hinungdan.

 

  Hapit kada adlaw motaya sa last two

Sa buwangan pa kada Domingo

Usahay naloko na sab  sa baraha

Hangtod mahurot ang kwarta.

 

 Asawa nag ani mangutana asa gikan

Iya gyod nga dapatan ug pasakitan

Pila ra may kusog ang kababainhan

Kon imo gyod pasakitan ug dagmalan.

Mamakak pa gyod kon pangutan on

Sa iyang nawong malimbungon

Inocente pagtan-awon sa atubangan

Pero diay sama sa iring sungkaban.

 

 Mao ni karon dili na maagwanta

Ang pag antos sa mga asawa

Para maglikay sa gubot sa pamilya

Biyaan na sa way pagduhaduha.

 

 Karon puno na ang sudlanan

Sa gugma kong pinuy anan

Kanunay nag-antos;sakit sa dughan

Panahon na ikaw akong biyaan.

GIDAMGO KO ANG BATHALA

             Ni Vic Odarve

 

Dyosa sa Gugma

  

 Gihulma ko ang imong larawan

Nga ako nikatkat ngadto sa kalangitan

Uban sa mga bitoon ug mga kalibutan

Nga misud-ong sa imong kabulahanan.

 

Gipintal ko ang imong hitsura

Ang imong kaanyag wa gyoy sama

Nga nahisulat na sa akong pangisip

Milambo daw nga way makahulip.

 

Diha naaninaw ko ang imong dughan

Sa damgo mao nay tomoy sa katumanan

Kang Adonis iya siyang giampoan

Ug gisangyaw pa sa ubang kanasuran.

 

Ikaw gyod ang natawong prinsisa

Nagpukaw sa dughan kong nag-usisa

Uban ang swerte kong kapalaran

Nga ikaw gyod ang akong nakit-an.

 

Gusto ko nang ikaw isangyaw

Aron dili ka madaling mahanaw

Kay gililok ko ikaw akong bathala

Nga permi gyod sa akong hunahuna.

 

Apan sa diha nang ikaw nakita

Maoy katumanan sa mga propeta

Gikan sa pobre kong panghunahuna

Sa damgo lang diay ikaw namugna.

 Thanks for Watching.

Anino sa kagahapon

ANINO SA KAGAHAPON

     Ni Vic Odarve

 

Motalim-aw usahay ang imong anino

Sa hunahuna kong para nang deserto

Nga naghanduraw sa unang panahon

Ug nagduwa sa langit uban ang mga bitoon.

 

Seirra bullones-Jagna route via Mayana

 

 

 

 

 

 

 

 

 

Didto nakita ko ang imong hulagway

Nga nagngisi uban ang dakong kalipay

Para akong naalimungawan

Nga nabuhi ang atong handumanan.

 

Mipahiyom, mibahakhak ka, ug mitalikod

Daw nakigdula man sa gagmayng balod

Kay imo mang gibalikan ang kagahapon

Nga unta mikupas na sa dagan sa panahon

 

Karon nahigmata ang pulong maalamanon

Ug akong isulat sa pinulungan nga balaknon

Aron nila masud-ong ang talagsaon

Nga anino sa atong kagahapon.

 

Thanks for watching.

Old Pictures are the Images of our Life

                                        by Vic Odarve

 Old pictures reopened eyes to our past, re-discovered roots, and experienced its beauty and culture of our ancestors. It gives picture where we come from and see our place where we have spent our childhood years. It builds deeper connection to the past, the ancestors, great grandparents, relatives, and friends. And knowing where we come from enable people to experience the beauty and culture from old folks’ tread to the new generation. Old pictures are images of our life.

Great grandparents

Old pictures remind us the beauty of the places where we have spent our childhood days, playing with our childhood friends…flying kite, running, walking along the mountain trails where our grandparents used before.  These are the places where the generations of our families were born, lived, and died. Pictures captured these places vividly which enable the present generation to visit and wonder how their lives were spent before.

Inspiring and imaginative, iconic old pictures teach us how to remember those we miss most, no matter how long they’ve been gone. These are the people we miss in our life, and all they still mean to us. Though most photographs are black and white, they still bring the vivid pictures the lives of our ancestors. Some of us may have inherited their physical features …the curve of our nose, and the color of the skin and eyes. Some of us are the crystal-clear image of our grandparents…a living blueprint from the old generation.

With their photographs we learned how our old folks lived and spent their lives. Their important events captured in the pictures…showcased how their beautiful culture and tradition flourished in their time. There are also pictures showing working together or bayanihan… a tradition which for now is seldom practice.

Yes, old pictures say a thousand words as camera captures everything. It is like a narrative of your life which you are a part of the generation; rekindle our thoughts to remember those we miss most, no matter how long they have gone. These old photographs also encourage the present generation to visit the land of their birth; attend the great annual festival or fiestas of the villages to rediscover their lost ancestral roots. Old pictures are really the images of our life.

Thanks for watching.

Unsa Man Kining Gugma

      Gitagik ni Vic Odarve

 

unsa man nang gugma

 

 

 

 

 

 

 

 

 

 

Pagaduyanon gyod ang imong kaugalingon

Ngadto sa halapad nga mga kagahapon

Ang misteryosong gugma sa atong kinabuhi

Matawo gyod musugot ka man o dili.

 

Natagamtaman mo ang natilawan mong himaya

Daw naglutaw ka kon uban nimo ang imong bathala

Mawala gyod dayon ang gihambin mong  kamingaw

Kon ang imong hinigugma sa imo dayon moduaw.

 

Dili mabayaran ang namugna  ninyong kalipay

Sa taliwala sa kalangitan kamo nagpahayahay

Sa maidlap nga mga panganod kamo misakay

Ug dili na gyod mo sa inyong kinabuhi magmahay.

 

Mao ba gyod ni ang gugma nga sa dughan natawo

Nga naggikan ug ipatilaw gayod sa atong Ginoo

Nagmugna ug mga tanghaga sa atong kinabuhi

Ang uban nagpuyong malipayon pero ang uban dili.

 

Kitang tanan moagi gyod samtang may ginhawa pa

Kalamposan, kapakyasan, ug usahay ang kabalaka

Ang Diyos nagmugna niini isip  kini  iyang gasa

Para matilawan sa tanan kon unsa ang gugma.

    

  

Video link

https://youtu.be/w4GqLyQw778 

                                                              

 Thanks for watching.